Բոլոր նորությունները

16.10.2018

Հանդիպում Սահմանապահ զորքերի վարչությունում

Հոկտեմբերի 15-ին ՀՀ ԱԱԾ սահմանապահ զորքերի հրամանատար գնդապետ Վաղինակ Սարգսյանն ընդունեց Միգրացիոն քաղաքականության մշակման միջազգային կենտրոնի հայաստանյան գրասենյակի ղեկավար Կարել Հոֆսթրային: 

Հանդիպման ընթացքում մանրամասնորեն քննարկվեցին ՄՔՄՄԿ հայաստանյան գրասենյակի 2018թ. կատարած աշխատանքը և 2019թ. համատեղ գործողությունները, հատկապես՝ սահմանապահ զորքերի  կարողությունների ընդլայնման և ժամանակակից տեխնիկայով համալրման հարցերը: Քննարկվեց նաև ՀՀ ԱԱԾ ՍԶ ուսումնական կենտրոնում մասնագիտական դասընթացների կազմակերպման  հարցը: 


Մանրամասն…

 

16.10.2018

Սահմանային ռեժիմի խախտման դեպքերն անթույլատրելի են

Ս.թ. հոկտեմբերի 12-ին, ժամը 08:45-ի սահմաններում, հայ-վրացական սահմանի՝ Լոռու մարզի Ճոճկան գյուղի տեղամասում, պետական սահմանի պահպանություն իրականացնող սահմանապահ վերակարգի կողմից առանց համապատասխան թույլտվության սահմանային շերտ մուտք գործելու և սահմանային ռեժիմը խախտելու համար ձերբակալվել են Ալավերդի քաղաքի բնակիչ Ա.Ս-ն (ծնված 1982թ.) և Երևան քաղաքի բնակիչ Ա.Մ-ն (ծնված 1964թ.), ովքեր տվյալ տարածքում զբաղվել են որսորդությամբ: Վերջիններիս մոտ հայտնաբերվել են օրինական գրանցված որսորդական ողորկափող հրացաններ: 



Մանրամասն…

 

16.10.2018

Վերադարձվել են տիրոջը

Ս.թ. հոկտեմբերի 11-ին, հայ-իրանական պետական սահմանի հատվածի սահմանային շերտում, հայտնաբերվել է առանց անհրաժեշտ վերահսկողության 11 գլուխ խոշոր եղջերավոր անասուն: ՀՀ ԱԱԾ սահմանապահ զորքերի ստորաբաժանումների շուրջ մեկ օր տևած որոնողական աշխատանքների արդյունքում պարզվել է, որ դրանք պատկանում են ՀՀ Սյունիքի մարզի Քաջարան քաղաքի բնակիչ Մարատ Էդիկի Հակոբյանին, ով ԱՀ Քաշաթաղի շրջանի Որդուակ բնակավայրում զբաղվում է անասնապահությամբ: Բացատրական աշխատանքներից հետո, անասունները ստացականով հանձնվել են տիրոջը:


Մանրամասն…

 

11.10.2018

ԱԱԾ-ն պարզում է Արմեն Ավետիսյանի ընտանիքին պատկանող երեք բարձրակարգ հյուրանոցների կառուցման ֆինանսավորման աղբյուրները

     Հայաստանի Հանրապետության ազգային անվտանգության ծառայության քննչական վարչությունում հարուցվել է քրեական գործ ՀՀ մաքսային պետական կոմիտեի նախկին նախագահ Արմեն Ավետիսյանի կողմից ձեռնարկատիրական գործունեությանն ապօրինի մասնակցելու և հանցավոր ճանապարհով ստացված առանձնապես խոշոր չափերով գումարներն օրինականացնելու (փողերի լվացում) դեպքի առթիվ` նախատեսված ՀՀ քրեական օրենսգրքի 310-րդ հոդվածով և 190-րդ հոդվածի 3-րդ մասի 1-ին կետով: (Տեսանյութ)

Մանրամասն…

 

10.10.2018

Սահմանապահները կարևորում են փախստականների խնդիրները

Հոկտեմբերի 8-ին ՀՀ ԱԱԾ սահմանապահ զորքերի վարչությունում տեղի ունեցավ հանդիպում սահմանապահ զորքերի ղեկավարության և Հայաստանի Հանրապետությունում Միավորված ազգերի կազմակերպության փախստականների հարցերով գերագույն հանձնակատարի նորանշանակ ներկայացուցիչ  տիկին Աննա-Կարին Օստի հետ: Հանդիպման ընթացքում քննարկվեցին 2018թ. իրականացված համատեղ ծրագրերի, առաջընթացի, ձեռքբերումների, ինչպես նաև 2019թ. համագործակցության շարունակության վերաբերյալ հարցեր: (Լուսանկարներ)



Մանրամասն…

 

08.10.2018

Պարզվել է 10 տարի առաջ Արմեն Ավետիսյանի տան վրա ավազակային հարձակման պատվիրատուն

     Հայաստանի Հանրապետության ազգային անվտանգության ծառայությունը դեռևս 2009 թվականին հանրությանն իրազեկել էր, որ բացահայտվել են «Կոշիկի քաղաք» ՍՊԸ հիմնադիր Արա Կարապետյանի և Նոր Նորքի ոստիկանության բաժնի պետի նախկին տեղակալ Արմեն Նիկողոսյանի ստեղծած հանցավոր համագործակցության անդամների կողմից մի շարք աղմկահարույց, առանձնապես ծանր հանցագործություններ կատարելու դեպքեր, այդ թվում` 2008 թվականի հոկտեմբերին ՀՀ մաքսային պետական կոմիտեի նախկին պետ Արմեն Ավետիսյանի առանձնատան վրա ավազակային հարձակման դեպքը, որի առթիվ ՀՀ ԱԱԾ քննչական վարչությունում քննված քրեական գործը մեղադրական եզրակացությամբ ուղարկվել էր դատարան, և 2011թ. մայիսին կայացված դատավճռով հանցավոր համագործակցության 10 անդամները դատապարտվել էին երկարատև՝ մինչև 15 տարի ժամկետով ազատազրկման։(Տեսանյութ)

Մանրամասն…

 

Այլ նորություններ...

«ՍկիզբՆախորդը12345678910ՀաջորդըՎերջ»